Technology
ఆండ్రాయిడ్ స్మార్ట్‌ఫోన్‌లను వాడే యూజర్ల కోసం 'మై షేక్ (MYSHAKE)' పేరిట ఓ నూతన యాప్ అందుబాటులోకి వచ్చింది. దీని ద్వారా భూకంపాలను ముందుగానే గుర్తించి సురక్షితంగా ఉండేందుకు అవకాశం ఉంది. ఆండ్రాయిడ్ 4.1 ఆపైన వెర్షన్ కలిగిన డివైస్‌లలో ఈ యాప్ ఇన్‌స్టాల్ అవుతుంది.
యూనివర్సిటీ ఆఫ్ కాలిఫోర్నియాకు చెందిన పరిశోధక బృందం 'మై షేక్' యాప్‌ను రూపొందించింది. ఆండ్రాయిడ్ డివైస్‌లో ఉండే యాక్సలరోమీటర్ సెన్సార్, జీపీఎస్ ఆధారంగా ఈ యాప్ పనిచేస్తుంది. భూకంపాల తీవ్రతలను గుర్తించే 'సీస్మోమీటర్స్' పనితీరుకు అనుగుణంగా ఈ యాప్‌ను తీర్చిదిద్దినట్టు సదరు పరిశోధకులు తెలియజేస్తున్నారు. ల్యాబొరేటరీలో తాము అన్ని విధాలుగా ఈ యాప్‌ను పరీక్షించామని, దాదాపు 93 శాతం కచ్చితత్వంతో ఈ అప్లికేషన్ పనిచేస్తుందని వారు చెబుతున్నారు.
