News
అమెరికా తన విదేశాంగ విధానంలో భారీ మార్పులు చేయబోతోంది. భారత్ నుంచే కాక ప్రపంచ దేశాల నుంచి చదువుకోవడానికి వచ్చే విద్యార్థులకు బంపర్ ఆఫర్ ప్రకటించింది. ఇప్పటి వరకూ విదేశీ విద్యార్థులు తమ చదువు పూర్తయిన తర్వాత 7 నెలల నుంచి సంవత్సరం పాటు మాత్రమే అమెరికాలో ఉండి ఆప్షనల్ ప్రాక్టికల్ ట్రైనింగ్ ప్రోగ్రామ్ పేరిట తాత్కాలిక ఉద్యోగం చేయవచ్చు. ఈ నిబంధన విదేశీ విద్యార్థులను ఇబ్బంది పెడుతుంటుంది.
తమ దేశంలో తయారయిన మేధావులను ఉపయోగించుకోవడానికి అమెరికా రంగం సిద్ధం చేసింది. విదేశీ విద్యార్థులు ఎవరయినా సరే అమెరికాలో విద్యాభ్యాసం పూర్తయిన తర్వాత మూడు సంవత్సరాలపాటు తాత్కాలిక ఉద్యోగం చేసుకోవడానికి అనుమతి ఇస్తోంది. ఈ నూతన విధానాన్ని శుక్రవారం ప్రకటించనున్నారు. అయితే చదువుకునేటప్పుడు ఉన్న ఎడ్యుకేషన్ వీసాను వర్క్ వీసాగా మార్చుకోవాల్సి ఉంటుంది. శుక్రవారం ప్రకటించే ఈ విధానం మే 10 నుంచి అమలులోకి వస్తుంది.
