ఈ సంవత్సరం జనవరి నెలకు గాను 11.62 ఎంబీపీఎస్‌ డేటా వేగంతో ఎయిర్‌టెల్‌ అగ్రస్థానంలో నిలిచింది. రిలయన్స్‌ జియో డేటా వేగం కేవలం 8.345 ఎంబీపీఎస్‌గా నమోదైంది. అంతకుముందు డిసెంబర్‌లో ఆ సంస్థ డేటా వేగం 18.146 ఎంబీపీఎస్‌గా నమోదు చేసి అన్ని నెట్‌వర్క్‌ల కంటే ముందు స్థానంలో నిలిచింది. ఇదే సమయంలో జనవరి నెలకు గాను మిగిలిన టెలికాం సంస్థలైన ఐడియా 10.562 ఎంబీపీఎస్‌, వొడాఫోన్‌ 10.301 ఎంబీఎపీఎస్‌ సగటు డేటా వేగాలను నమోదు చేశాయి. మొత్తంగా జియో మినహా మిగిలిన మూడు సంస్థలు డేటా వేగం పెరగ్గా, జియో వేగం దాదాపు సగానికి పడిపోయిందని ట్రాయ్ పేర్కొంది.
